तुम्हाला मत्स्यशेतीची आवड असेल, तर राज्यात या क्षेत्राशी संबंधित पुरक उद्योगांबाबत जाणून घ्या. राज्य शासनाच्या मत्स्योद्योग विभागातर्फे मत्स्यपालन प्रशिक्षण तसेच आर्थिक सहाय्य प्रदान केले जाते. मत्स्योद्योग विकास संस्थाच्या माध्यमातून माशांचे उत्पादन आणि विक्रीबाबत मार्गदर्शन उपलब्ध आहे.

• महाराष्ट्रातील मत्स्यव्यवसाय संस्था
• मत्स्यपालन योजनांबद्दल अधिक जाणून घ्या
• मत्स्यबीज केंद्र तपशील
• मत्स्यपालन प्रशिक्षण केंद्रे

खादी आणि ग्रामोद्योग आयोगातर्फे राज्याच्या ग्रामीण भागात खादी आणि इतर ग्रामोद्योगांच्या विकासासाठी विविध कार्यक्रमांचे नियोजन, प्रचार आणि अंमलबजावणी केली जाते.

• महाराष्ट्र राज्य खादी आणि ग्रामोद्योग मंडळ
• हँडमेड पेपर इन्स्टिट्यूट, पुणे

सेरीकल्चर इन्फर्मेशन लिंकेजेस अँन्ड नॉलेज सिस्टीम - सिल्क ही रेशीम शेती करणाऱ्या शेतकऱ्यांसाठी एकल खिडकी सुविधा आहे. रेशीम शेतीशी संबंधित प्रक्रियांचे विविध टप्पे, उत्पादन तंत्रज्ञान आणि या व्यवसायांबद्दल अधिक माहिती जाणून घेता येईल.

मधू क्रांतीचे उद्दिष्ट साध्य करण्यासाठी राष्ट्रीय मधमाशी पालन आणि मध अभियान राबविले जाते आहे. या मोहिमेंतर्गत शास्त्रशुद्ध पद्धतीने मधमाशी पालन करण्याच्या प्रचार आणि प्रसारावर भर दिला जातो. तुम्ही मधमाशी पालन करू इच्छित असाल तर एकात्मिक मधमाशी पालन विकास केंद्रांची स्थापना, इतर पायाभूत सुविधा, डिजिटायझेशन/ऑनलाइन नोंदणी, प्रक्रिया अशा सर्व टप्प्यांवर सहाय्य उपलब्ध आहे.

नारळ विकास मंडळ नारळाचे उत्पादन घेऊ इच्छिणाऱ्यांना आर्थिक आणि इतर आवश्यक सहाय्य प्रदान करते तसेच नारळ आणि नारळापासून प्राप्त होणाऱ्या उत्पादनांवर प्रक्रिया करण्यासाठी आधुनिक तंत्रज्ञानाचा अवलंब करण्यास प्रोत्साहित करते. नारळाची लागवड, उत्पादने, निर्यात आणि योजनांबद्दल अधिक जाणून घेण्यासाठी येथे क्लिक करा.