आरोग्य सेतू यंत्रणा संपर्क मागोवा तंत्राचा वापर करते. तुम्ही रोजची कामे करत असताना ज्यांच्या संपर्कात आला असाल त्या सर्व लोकांच्या तपशीलांची नोंद करते. तुमच्या संपर्कात आलेल्या व्यक्तींपैकी कोणीही कधीही कोवीडग्रस्त झाल्याचे आढळल्‍यास, तुम्‍हाला त्याबाबत तात्काळ माहिती दिली जाते आणि तुमच्‍यासाठी प्रतिबंधात्मक उपाययोजनांची व्‍यवस्‍था केली जाते.

आरोग्य सेतू अ‍ॅपमध्ये नोंदणी करण्यासाठी तुमच्याकडे भारतात वापरात असलेला मोबाइल नंबर असणे गरजेचे आवश्यक आहे. अँड्रॉइड आवृत्ती 5 आणि त्यापेक्षा प्रगत, iOS आवृत्ती 10.3 आणि त्यापेक्षा प्रगत.

वेबसाइट मोबाइल अ‍ॅप

ईसंजीवनी नोंदणी ही दूरस्थ माध्यमातून आरोग्यसंबंधी सल्ला देणारी सेवा आहे. नागरिक-स्नेही असणाऱ्या या उत्कृष्ट सेवेची काही वैशिष्ट्ये पुढीलप्रमाणे –

• रुग्ण नोंदणी
• टोकन
• रांगेचे व्यवस्थापन
• डॉक्टरांशी ऑडिओ-व्हिडिओ सल्लामसलत
• ई-प्रिस्क्रीप्शन
• एसएमएस/ईमेल सूचना
• राज्यातील डॉक्टरांतर्फे सेवा
• विनामूल्य सेवा

बाल-कुपोषणाच्या समस्येवर मात करण्यासाठी अंगणवाडी हा उपक्रम भारत सरकारतर्फे राबवला जातो. ‘अंगणातला निवारा’ असा ‘अंगणवाडी’ या शब्दाचा अर्थ इथे अभिप्रेत आहे. महाराष्ट्रात १०८००५ अंगणवाडी आणि लघु अंगणवाडी केंद्रे आहेत. तब्बल ४००० पेक्षा जास्त पर्यवेक्षक आणि सुमारे दोन लाख अंगणवाडी कामगार / मदतनीसांच्या सहाय्याने संपूर्ण राज्यभरात आणि राज्याच्या कानाकोपऱ्यात हा उपक्रम यशस्वीपणे राबविला जातो आहे.