२०२०-२१ या शैक्षणिक वर्षात शालेय शिक्षण निर्देशांकात महाराष्ट्र देशात अव्वल स्थानी राहिला आहे. (येथे क्लिक करा, पृष्ठ १५) भारत सरकारच्या शिक्षण मंत्रालयाच्या चौथ्या कामगिरी प्रतवारी निर्देशांकानुसार महाराष्ट्राला एकूण ९२८/१००० गुण मिळाले आहेत. या गुणांसह राज्याने गेल्या वर्षीच्या आठव्या क्रमांकावरून अव्वल स्थानावर झेप घेतली आहे. शालेय शिक्षण संबंधी सकारात्मक परिवर्तनाचे मोजमाप करणाऱ्या या निर्देशांकानुसार केरळ आणि पंजाबसह महाराष्ट्र पहिल्या स्थानी विराजमान झाला आहे.

राज्यातील शिक्षण हक्क कायद्यांतर्गत ६ ते १४ वयोगटातील मुलांसाठी सरकारी तसेच सरकारी अनुदानित शाळांमध्ये प्राथमिक शिक्षण मोफत आणि सक्तीचे आहे.राज्यात प्राथमिक शिक्षण हा संपूर्ण औपचारिक शिक्षण प्रक्रियेचा पाया मानला जातो. वयाच्या सहाव्या वर्षापूर्वीच्या शिक्षणाला पूर्व प्राथमिक शिक्षण म्हणतात. पूर्व-प्राथमिक शिक्षण दोन वर्षांचे असते आणि त्याला लहान शिशुवर्ग आणि मोठा शिशुवर्ग म्हटले जाते. इयत्ता पहिली ते पाचवी पर्यंतच्या शिक्षणाला प्राथमिक शिक्षण, इयत्ता सहावी ते आठवीला उच्च प्राथमिक शिक्षण तर इयत्ता नववी ते बारावी पर्यंतच्या शिक्षणाला माध्यमिक शिक्षण म्हणतात. राज्यातील शालेय शिक्षण देणार्‍या विविध मंडळांबद्दल अधिक जाणून घेण्यासाठी कृपया खालील लिंकवर क्लिक करा.

महाराष्ट्र राज्य माध्यमिक आणि
उच्च माध्यमिक शिक्षण मंडळ

केंद्रीय माध्यमिक शिक्षण मंडळ
CBSE

भारतीय शालेय प्रमाणपत्र
परीक्षा परिषद

केंब्रिज असेसमेंट
इंटरनॅशनल एज्युकेशन

इंटरनॅशनल
बॅकलॉरीएट

राज्याच्या विविध भागांमधील शाळा तसेच राज्य सरकारतर्फे प्रदान केल्या जाणाऱ्या शालेय शिक्षणाशी संबंधित विविध सेवा आणि शालेय प्रमाणपत्रांच्या ऑनलाइन पडताळणीसाठीच्या वेब पोर्टलबद्दल अधिक जाणून घ्या.

• राज्यातील विविध जिल्ह्यांमधील शाळा आणि तिथे उपलब्ध सुविधांबद्दल जाणून घ्या
• स्थानिक स्वराज्य संस्थांमधील शाळा आणि त्याबाबतचे तपशील येथे पाहता येतील.
• विशेष गरजा असलेल्या बालकांना शिक्षण व्यवस्थेत सामावून घेण्यासाठीच्या उपाययोजना

• शालेय शिक्षण आणि क्रीडा विभागांतर्गत उपलब्ध विविध सुविधा आणि उपक्रमांबद्दल जाणून घ्या.
• इयत्ता दहावी आणि बारावीच्या परीक्षांमध्ये प्राप्त "गुणांचे विवरण" आणि "उत्तीर्ण प्रमाणपत्र" या दस्तावेजांची ऑनलाइन पडताळणी येथे करता येईल. 1990 सालापासूनचे तपशील येथे उपलब्ध आहेत.
• सामाजिक न्याय आणि विशेष सहाय्य विभागाकडून देण्यात येणाऱ्या ई-स्कॉलरशिपसाठी अर्ज करण्यासाठी येथे क्लिक करा.